ڈراموں میں کامیابی کے لیے خوبصورتی ضروری نہیں،صائمہ قریشی
Stay tuned with 24 News HD Android App
(ویب ڈیسک)معروف اداکارہ صائمہ قریشی کا کہنا ہے کہ پاکستانی ڈراموں میں کام کرنے کے لیے خوبصورتی ضروری نہیں ہے۔
صائمہ قریشی نے حال ہی میں ایک نجی ٹی وی کے پروگرام میں بطور مہمان شرکت کی جہاں ان سے سوال پوچھا گیا کہ فاطمہ ثریا بجیا نے آپ کو ڈراموں میں کام کرنے کی پیشکش آپ کی خوبصورتی کی وجہ سے کی تھی؟
اس سوال کا جواب دیتے ہوئے صائمہ قریشی نے کہا کہ پاکستانی ڈراموں میں خوبصورت چہروں کو کامیابی نہیں ملتی بلکہ ان لوگوں کو کامیابی ملتی ہے جنہیں اداکاری آتی ہے۔
اداکارہ نے کہا کہ خوبصورتی کی وجہ سے کسی کو سکرین پر نظر آنے کا ایک موقع تو مل جائے گا لیکن اگر اسے کام نہیں آتا توصرف اپنی خوبصورتی کا کیا کرے گا۔
معروف اداکارہ نے کہا کہ چھوٹی اسکرین پر چہرے کے تاثرات کی بہت زیادہ اہمیت ہوتی ہے اور اگر کوئی انسان اپنے جذبات کا اظہار ہی کرنا نہیں جانتا تو پھر اس کی خوبصورتی کا کوئی فائدہ نہیں ہے۔