(بابرشہزادترک)نجی میڈیکل کالجز کی فیس میں کمی،حکومت نے ایم بی بی ایس اور بی ڈی ایس کیلئے فیس کی حد مقرر کر دی۔
وزیر اعظم شہبازشریف کی ہدایت پر میڈیکل ایجوکیشن ریفارمز کے تحت فیسوں کو کم کرنے کی منظوری دی گئی۔
پی ایم ڈی سی کا کہنا ہے کہ نجی میڈیکل اور ڈینٹل کالجوں کی سالانہ فیس 18 لاکھ روپے مقررکر دی گئی،میڈیکل کالجوں کی فیس میں کنٹرول، شفافیت کو یقینی بنانے کا فیصلہ کیا گیاہے، والدین اور طلبہ کا دیرینہ مطالبہ پوراکرتے ہوئے نجی میڈیکل کالجوں کی فیس کو محدود کر دیا گیا۔
پی ایم ڈی سی کاکہنا ہے کہ نجی کالجوں کو پی ایم ڈی سی کو مالی تفصیلات فراہم کرنا ہوں گی، فیسوں میں سالانہ اضافہ صرف سی پی آئی کے مطابق ہوگا، غیر ضروری فیس میں اضافے کی اجازت نہیں دی جائے گی۔