(راودلشاد) وزیر اعلیٰ پنجاب مریم نواز کی زیر صدارت صوبائی کابینہ کے24ویں اجلاس میں اہم فیصلے کئے گئے،اجلاس میں پنجاب کے ضلع بھکر اور بہاولنگر میں ایئرپورٹ بنانے کا اصولی فیصلہ بھی کیا گیا۔
تفصیلات کے مطابق وزیر اعلیٰ پنجاب کی زیرصدارت صوبائی کابینہ کا 24واں اجلاس منعقد ہوا جس میں پنجاب میں سپیشل افراد، بزرگ اور طلبہ کے لئے مفت سفر کی سہولت کی منظوری دی گئی جبکہ طلبہ کے لئے ٹرانسپورٹ کارڈ جاری کرنے کی تجویز کا جائزہ بھی لیا گیا،اجلاس میں وزیراعلیٰ نے چکن کے نرخ کم کرنے کے لئے موثر اقدامات کی ہدایت کی۔
وزیر اعلیٰ نے جنسی جرائم کیلئے سپیشل انوسٹی گیشن یونٹس کے قیام کی منظوری دیتے ہوئے ریپ کے واقعات کی روک تھام کے لئے اقدامات یقینی بنانے کی ہدایت کی،انہوں نے کہا کہ زیادتی کے واقعات کا سن کر سرشرم سے جھک جاتا ہے۔
اجلاس میں بھکر اور بہاولنگر میں ایئرپورٹ بنانے کا اصولی فیصلہ کیا گیا جبکہ ضلع بھکر میں ایئر ایمبولینس سروس کے لیے ایئر سٹرپ کی تعمیر کے فنڈز کی منظوریبھی دی گئی، اس کے علاوہ ،پنجاب کی ایئر لائن سروس کے آغاز کی تجویز کا جائزہ بھی لیا گیا،وزیراعلیٰ مریم نوازنےٹریفک چالان، جرمانے کی وصولی یقینی بنانے کا حکم دیتے ہوئےٹریفک چالان جرمانے کی عدم ادائیگی پر زیروٹالرنس پالیسی اپنانے کی ہدایت کی اور لیگل ریفامز کے لئے پلان طلب کرلیا۔
اجلاس میں کابینہ نے نئے ایڈووکیٹ جنرل امجد پرویز کی تعیناتی کا خیر مقدم کیا، وزیر اعلیٰ کا کہنا تھا کہ حکومت آتے ہی سفارشوں کی لائن لگ گئی لیکن کسی بھی سفارش پر عمل نہیں کیا،لاء آفیسرز کی 100فیصد میرٹ پر تعیناتی ہونی چاہیے، بھرتی پر انگلی نہیں اٹھنی چاہیے۔
مریم نواز نے کہا کہ پنک سالٹ پاکستان کا ہے صرف پیکجنگ کرکے فائدہ دوسرے ممالک اٹھارہے ہیں،ان کا کہنا تھا کہ اللہ تعالیٰ کا شکر ہے کہ شہریوں نے نگہبان رمضان پر نہایت مثبت رسپانس دیا ہے،25لاکھ 64ہزار گھرانوں کو نگہبان رمضان2025 ء کے چیک مل چکے ہیں،خوشی ہوئی کہ وفاق اور دیگر صوبوں نے پنجاب کے رمضان پیکج کو فالو کیا،ان کا کہنا تھا کہ جلد 1.5 ملین گھرانوں کو راشن کارڈ دینے جارہے ہیں،کسی صوبے کا پانی نہیں لے رہے،جواب دیں گے،
وزیراعلیٰ مریم نوازشریف کی عیدالفطر پراشیائے خوردنوش کے نرخ پر کنٹرول رکھنے کی کڑی ہدایت بھی کی اور کہا کہ پہلی بار رمضان میں قیمتیں کنٹرول میں رہیں، لائنز نہیں لگی اوردھکم پیل نہیں ہوئی ،15سال میں سب سے سستا رمضان بازار لگانے پر سلمیٰ بٹ اورپوری ٹیم کو شاباش دیتی ہوں۔
طلبہ کے لئے گریڈ نگ سسٹم کے لئے ورلڈ بینک سے معاہدہ سائن کرنے کی منظوری بھی دی گئی،صوبائی کابینہ نے 40ہزار سپیشل طلبہ کو وزیراعلیٰ مریم نواز کی طرف سے عید گفٹ دینے پر خراج تحسین پیش کیا ۔
پنجاب فرٹیلائزر کنٹرول ایکٹ کی خلاف ورزی پر جرمانے بڑھا دیئے گئے،ناجائزہ اسلحہ کے تدارک کے لئے پنجاب آرمز آرڈیننس کی خلاف ورزی پر جرمانے اور سزا مزید سخت کرنے کی ہدایت کی گئی،پیدائش اور ڈیٹھ رجسٹریشن سرٹیفکیٹ کی فیس ایک سال کے لئے معاف کر دی گئی،نادار اور مستحق افراد کو مفت قانونی امداد یقینی بنانے کے لئے پنجاب لیگل ایڈ رولز میں ترمیم کی منظوری دی گئی۔
وزیراعلیٰ مریم نوازشریف نے پنجاب میں چاول کی دو فصلیں کاشت کرنے کی پابندی کی تجویز کو مسترد کر دیا۔
664 بصارت سے محروم افراد (VIPs) کو ڈیلی ویجز پر ایڈجسٹ کرنے کی منظوری دی،بصارت سے محروم افراد (VIPs) کی مزید سماجی شمولیت کے لئے تجاویز کی منظوری بھی دی۔
پنجاب کرائم کنٹرول ڈیپارٹمنٹ میں 3904 آسامیوں کے قیام ،شیخ زید میڈیکل کالج ہسپتال، رحیم یار خان کے نئے کارڈیک سینٹر کے لئے کنٹریکٹ بنیادوں پر بھرتیوں کی اجازت ،پنجاب لائف انشورنس کمپنی (PLIC) میں کلیدی عہدوں پر بھرتی کے لئے سلیکشن کمیٹی ،محکمہ خزانہ کے سپیشلائزڈ یونٹ میں خالی آسامیوں پر نئی بھرتیوں،نواز شریف سینٹر آف ایکسی لینس فار ارلی چائلڈ ایجوکیشن، چلڈرن لائبریری کمپلیکس لاہور کے لئے 32 نئی آسامیوں کے قیام،فسادات سے نمٹنے کے لئے 2ہزار نفری پر مشتمل رائٹ مینجمنٹ (Riot Management) پولیس کے قیام کی منظوری بھی دی۔
یہ بھی پڑھیں : برطانیہ جانے کے خواہشمند افراد کیلئے اہم خبر