معروف پاکستانی کوہ پیما علی رضا سد پارہ رضائے الہی سے انتقال کر گئے

(24 نیوز) معروف پاکستانی کوہ پیما علی رضا سد پارہ رضائے الہی سے انتقال کر گئے۔

 علی رضا سدپارہ پہاڑ سے گرنے کے باعث زخمی ہوئے تھے جس کے وجہ سے وہ ریجنل اسپتال میں زیر علاج تھے۔ اہل خانہ کے مطابق 66 سالہ علی رضا 1986 سے کوہ پیمائی کے شعبے سے وابستہ تھے، انہوں نے 8 ہزار میٹر سے بلند چار چوٹیوں کو 16 بار سر کیا تھا۔

 علی رضا نے رواں سال کے ٹو کی مہم جوئی پر جانا تھا۔ اہل خانہ کے مطابق علی رضا سد پارہ کی نماز جنازہ آج اولڈینگ قبرستان میں ادا کی جائے گی۔