ٹوبہ ٹیک سنگھ: دو روز سے لاپتہ بچی کی درخت سے لٹکتی لاش برآمد

(ویب ڈیسک) ٹوبہ ٹیک سنگھ میں چوتھی کلاس کی طالبہ کی درخت سے لٹکتی لاش ملی ہے۔ پولیس کا کہنا ہے کہ بچی کو مبینہ طور پر زیادتی کے بعد قتل کیا گیا۔

پنجاب پولیس کے مطابق ٹوبہ ٹیک سنگھ میں چوتھی جماعت کی طالبہ 2 روز سے لاپتہ تھی، جس کی لاش درخت سے لٹکی ہوئی ملی ہے۔

یہ بھی پڑھیے: بنوں میں پالتو کتا مارنے پر مالک نے ایک شخص کو قتل کرکے آگ لگا دی

بچی کے اہل خانہ کا کہنا ہے کہ 11 سالہ لڑکی چوتھی جماعت کی طالبہ تھی، دو روز قبل اسکول گئی مگر اسکول نہ پہنچی۔

پولیس کا کہنا ہے کہ بچی کو مبینہ طور پر زیادتی کے بعد قتل کیا گیا، لاش اسپتال منتقل کردی گئی، شواہد اکٹھے کرکے تفتیش کا آغاز کردیا گیا ہے۔