چیف جسٹس ہونے کے ناطے کیا قانون آپ پر لاگو نہیں ہوتا؟ مریم نواز کا ٹوئٹ

(24 نیوز) مریم نواز نے اپنے پیغام میں سوال کیا ہے کہ ’’چیف جسٹس ہونے کے ناطے کیا قانون آپ پر لاگو نہیں ہوتا؟‘‘

چیف آرگنائزر مسلم لیگ ن مریم نواز شریف نے سماجی رابطوں کی ویب سائیٹ ٹوئٹر پر جاری کردہ اپنے پیغام میں کہا ہے کہ چیف جسٹس کا کمیشن کو کام کرنے سے روک دینا ہی ان کے گناہگار ہونے کا ثبوت اور اعتراف ہے، انصاف کی سب سے بڑی کرسی پر براجمان شخص اپنے عہدے کو احتساب سے بچنے کے لیے بے دریغ استعمال کر رہا ہے۔

یہ بھی پڑھیں: عمران نیازی نے ایک منصوبے کے تحت پاکستان کے ہر شعبے میں انتشار پھیلایا: احسن اقبال

انہوں نے سوالات کیئے کہ اگر آپ اور آپ کی ساس کا دامن صاف ہے تو کیا آپ کو قانون کا سامنا نہیں کرنا چاہیے؟ یا چیف جسٹس ہونے کے ناطے قانون آپ پر لاگو نہیں ہوتا؟

چیف جسٹس کا کمیشن کو کام کرنے سے روک دینا ہی ان کے گناہگار ہونے کا ثبوت اور اعتراف ہے۔ انصاف کی سب سے بڑی کرسی پر براجمان شخص اپنے عہدے کو احتساب سے بچنے کے لیے بے دریغ استعمال کر رہا ہے۔ اگر آپ اور آپ کی ساس کا دامن صاف ہے تو کیا آپ کو قانون کا سامنا نہیں کرنا چاہیے ؟ یا چیف…

— Maryam Nawaz Sharif (@MaryamNSharif) May 27, 2023

انہوں نےمزید لکھا کہ عمر عطا بندیال اپنے خاندان کو بچانے کے لیے قانون کا مذاق اور عدلیہ کا تماشہ بنانے کے جرم میں سزا کے حقدار ہیں۔