(24 نیوز ) سٹینڈ اپ کامیڈین اور بگ باس 17 کے فاتح منور فاروقی نے چپکے سے دوسری شادی کر لی ہے ۔
سوشل میڈیا پر آنے والی خبروں کے بعد منور فاروقی کے مداح اس بات پر حیران ہیں کہ منور فاروقی کو حال ہی میں ہسپتال سے ڈسچارج کیا گیا ہے تو انہو ں نے شادی کب رچائی ؟لیکن انڈین میڈیا کا دعویٰ ہے کہ منور فاروقی نے رواں ماہ کے آغاز میں میک اپ آرٹسٹ 'مہہ زبین کوٹ والا' سے شادی کرلی ہے، لیکن ان کی جانب سے شادی کو خفیہ رکھنے کی کوشش کی جا رہی ہے یہی وجہ ہے کہ تاحال ان کی شادی کی کوئی بھی تصویرمنظر عام پرنہیں آئی ۔
منور فاروقی کی پہلی شادی کی بات کریں تو انہوں نے بگ باس کے دوران انکشاف کیا تھا کہ ان کی پہلی شادی والدین کی مرضی سے ہوئی تھی جس سے ان کا ایک بیٹا بھی ہے لیکن اب ان کی اپنی بیوی سے علیحدگی ہو چکی ہے،اس کے علاوہ انہوں نے پہلی بیوی اور بچے کے حوالے سے مزید بات کرنے سے گریز کیا تھا۔