(24نیوز) کراچی کے علاقے ڈیفنس فیز 4 میں پولیس مقابلے میں 5 ڈاکو ہلاک ہوگئے۔ مارے گئے ملزمان گھروں میں ڈکیتی کی درجنوں وارداتوں میں ملوث تھے۔
تفصیلات کے مطابق کراچی گزری میں پولیس کی جانب سے بروقت کارروائی کی گئی جس کے دوران 5 مبینہ ڈاکو مار گئے۔ پولیس ذرائع کے مطابق ملزمان گھر میں ڈکیتی کیلئے داخل ہو رہے تھے کہ پولیس نے گھیراؤ کیا۔ فائرنگ کے تبادلے کے دوران مارے گئے ملزمان میں سے 3 کی شناخت کرلی گئی ہے۔ ملزمان کا تعلق بہاولپور اور ملتان سے تھاپولیس ذرائع کا کہنا ہے ملزمان گھروں میں ڈکیتی کی درجنوں وارادتوں میں ملوث ہیں۔ملزموں کے قبضے سے مختلف اقسام کا اسلحہ برآمد کرلیا گیا ہے جبکہ ملزمان کی شناخت کے بعد کریمنل ریکارڈ بھی جمع کیا جائےگا۔