اپوزیشن نے تماشہ بنا رکھا ہے،عمران کی تنقید

 (24نیوز) وزیراعظم عمران خان کا کہنا ہے کہ ، دنیا کورونا سے لڑ رہی ہے اور یہاں اپوزیشن تماشہ بنارہی ہے انہیں عوام کا رتی بھر احساس نہیں۔
 تفصیلات کے مطابق ترجمانوں کا اجلاس ہوا جس میں ملکی سیاسی معاشی اور مجموعی صورت حال پر مشاورت کی گئی، اجلاس میں وفاقی وزیر حماد اظہر نے معاشی صورتحال پر ترجمانوں کو بریفنگ دی۔
اس موقع پر وزیراعظم نے کہا کہ معیشت دن بدن بہتر ہو رہی ہے، ٹیکسٹائل انڈسٹری سے بھی حوصلہ افزا اعدادوشمار سامنے آئے ہیں اس سلسلے کو جاری رکھا جائے اور صنعتی پیداوار بڑھانے پر توجہ دی جائے۔
اجلاس میں اپوزیشن کی جانب سے جلسے جلوس اور حکومت مخالف مہم پر وزیراعظم عمران خان کا کہنا تھا کہ کورونا کی صورتحال روز بروز بڑھ رہی ہے، پی ڈی ایم کے جلسوں سے کوئی سیاسی فرق نہیں پڑ رہا، چوری کے پیسے چھپانے کےلئے لوگوں کو کورونا کے رحم و کرم پر چھوڑا جا رہا ہے، دنیا کورونا سے لڑ رہی ہے اور یہاں تماشہ بنایا جا رہا ہے۔