جنرل ساحر شمشاد نے چیئرمین جوائنٹ چیفس آف اسٹاف کمیٹی کا چارج سنبھال لیا

(24 نیوز) جنرل ساحر شمشاد مرزا نے چیئرمین جوائنٹ چیفس آف اسٹاف کمیٹی کا چارج سنبھال لیا۔

پاک فوج کے شعبۂ تعلقاتِ عامہ (آئی ایس پی آر) کے مطابق جوائنٹ اسٹاف ہیڈکوارٹرز میں ہونے والی پُروقار تقریب میں تینوں مسلح افواج کے حاضر اور ریٹائرڈ افسران بڑی تعداد میں شریک ہوئے۔

جوائنٹ اسٹاف ہیڈکوارٹرز میں پروقار تقریب
جنرل ساحر شمشاد مرزا نے چیئرمین جوائنٹ چیفس آف اسٹاف کمیٹی کا چارج سنبھال لیا
تینوں مسلح افواج کے ریٹائرڈ و حاضر سروس افسران کی بڑی تعداد نے تقریب میں شرکت کی۔آئی ایس پی آر pic.twitter.com/MUTgQwRDMZ

— 24 News HD (@24NewsHD) November 27, 2022

آئی ایس پی آر کے مطابق جنرل ساحر شمشاد مرزا کو تینوں مسلح افواج کے دستے نے سلامی پیش کی۔

جنرل ساحر شمشاد مرزا نے گارڈ آف آنر اور مارچ پاسٹ کا بھی جائزہ لیا۔

وزیراعظم شہباز شریف کی ایڈوائس پر صدرِ مملکت عارف علوی نے لیفٹیننٹ جنرل ساحر شمشاد مرزا کو بطور فور اسٹار جنرل ترقی دے کر انہیں چیئرمین جوائنٹ چیفس آف اسٹاف کمیٹی 24 نومبر کو مقرر کیا تھا۔