فٹبال ورلڈ کپ: کوسٹاریکا نے جاپان کو ہرا دیا

(ویب ڈیسک) فٹبال ورلڈ کپ میں ایک اور سنسنی خیز میچ کا فیصلہ ہوگیا۔

دوحا کے احمد بن علی اسٹیڈیم میں کھیلے گئے گروپ ای کے اہم ترین میچ میں کوسٹاریکا نے جاپان کو 0-1 سے ہرا دیا۔

دونوں ٹیموں نے میچ کے آغاز سے جارحانہ انداز اپنایا اور ایک دوسرے کے گول پوسٹ پر متعدد حملے کیے تاہم گول کیپرز نے ان حملوں کو ناکام بنایا۔

یہ بھی پڑھیے: نیمار جونیئر کیمرون کیخلاف میچ بھی نہیں کھیل سکیں گے

پہلے ہاف کے اختتام تک میچ بغیر کسی گول کے برابر رہا۔

دوسرے ہاف میں بھی ٹیموں نے گول کرنے کی سرتوڑ کوشش کی مگر بے سود رہے، تاہم میچ کے 81 ویں منٹ میں کوسٹاریکا کے کیشرفلر نے عمدہ گول کرتے ہوئے اپنی ٹیم کو ایک گول کی برتری دلا دی۔