فیصل واوڈانےبشریٰ بی بی،علی امین گنڈا پور کےحوالےسےاہم پیشگوئی کردی 

(24  نیوز)سینیٹر فیصل واوڈا نے بشریٰ بی بی،علی امین گنڈا پور کےحوالےسےاہم پیشگوئی کردی،انہوں نے کہا کہ  علی امین گنڈاپور اور بشریٰ بی بی گرفتار ہوسکتے ہیں، پولیس بشریٰ بی بی کا تعاقب کررہی ہے۔

 نجی ٹی وی سے گفتگو کرتے ہوئےانہوں نے کہا کہ  بشریٰ بی بی کی سیاست نے بانی پی ٹی آئی کی سیاست ختم کردی۔  تمام صورتحال کے بعد بانی پی ٹی آئی کیلئے مشکلات بڑھ جائیں گی،

فیصل واوڈا کا کہنا تھا کہ بشریٰ بی بی کو خود ڈی چوک نہیں آنا تھا ، صرف اُکسانا تھا، بانی پی ٹی آئی کی آنکھوں پرپٹی بندھ گئی ، وہ بیگم سے آگے کچھ نہیں دیکھ رہے، یہ کارکنان کو ہمیشہ کی طرح بے یارو مددگار چھوڑ کر بھاگ گئے۔

انہوں نے کہا کہ بشریٰ بی بی اور علی امین گنڈاپور ایک ہی گاڑی میں فرار ہوئے، بشریٰ بی بی نے تباہی مچانی تھی ، تابوت میں آخری کیل ٹھونک دی، بشریٰ بی بی کی سیاست نے بانی پی ٹی آئی کی سیاست ختم کردی۔

انکا مزید کہنا تھا کہ 2، 3 دن پہلے بتا دیا تھا کوئی ڈی چوک آئے گا تو حکومت دھوئے گی۔