'باہوبلی 2' کے اداکار نے 47 سال کی عمر میں شادی کرلی

(ویب ڈیسک)بالی ووڈ اور ساؤتھ انڈین فلم انڈسٹری کے معروف اداکار سببرجو نے شادی کرلی ہے۔ 47 سالہ اداکار نے انسٹاگرام پر اپنی شادی کی تصویر شیئر کرکے مداحوں کو خوشخبری دی۔ تصویر میں سببرجو اور ان کی اہلیہ روایتی بھارتی لباس میں ساحل سمندر کے قریب کھڑے نظر آرہے ہیں۔

تصویر میں سببرجو نے ہاتھی دانت رنگ کی دھوتی اور کرتا زیب تن کیا جبکہ ان کی اہلیہ نے سرخ سلک کی ساڑھی اور سنہری زیورات کے ساتھ اپنے لباس کو مکمل کیا۔ دونوں نے ایک جیسا کالے رنگ کا چشمہ پہنا ہوا تھا، جس نے ان کے انداز کو مزید منفرد بنایا۔ سببرجو نے تصویر کے کیپشن میں لکھا، "آخر کار بندھن میں بندھ گیا!"

یہ بھی پڑھیں:تعلیمی اداروں سے متعلق اہم اعلان

سببرجو کے ساتھی اداکاروں اور فلمی دنیا کے افراد نے ان کی شادی پر مبارکباد دی۔ ڈائریکٹر حریش شنکر نے لکھا، "مبارک ہو سببرجو... شادی شدہ زندگی خوشیوں سے بھرپور ہو!" جبکہ اداکار ابھنیا کرشنا نے کہا، "بالآخر! مبارک ہو انّا۔"

سببرجو کا تعلق بھارتی ریاست آندھرا پردیش کے علاقے بھیم ورم سے ہے۔ انہوں نے اپنے فلمی کیریئر کا آغاز 2003 کی فلم 'اما نانا او تملہ امائی' سے کیا۔ اس کے بعد وہ کئی مشہور فلموں جیسے 'آریہ'، 'پوکیری'، 'بِلا' اور 'کھلیجا' میں نظر آئے۔

سببرجو کو سب سے زیادہ شہرت فلم 'باہوبلی 2: دی کنکلوژن' میں کمار ورما کے کردار سے ملی۔ اس فلم میں ان کے ساتھ پربھاس اور انوشکا شیٹی نے مرکزی کردار ادا کیے۔

سببرجو نے تمل، تیلگو، ملیالم اور ہندی فلموں میں 100 سے زائد کردار نبھائے ہیں۔ ان کی آخری فلم 'جتندر ریڈی' تھی جو 2024 میں ریلیز ہوئی۔

یہ بھی پڑھیں:افسوسناک خبر!آئی جی اسلام آبادکے سکواڈ میں شامل گاڑی کو حادثہ