(مانیٹرنگ ڈیسک) لکی مروت میں گشت کرتی پولیس موبائل وین پر نامعلوم افراد نےفائرنگ کر دی ، اے ایس آئی سمیت چار اہلکار شہید ۔
تفصیلات کے مطابق پولیس وین میں سوار اہلکار لکی مروت میانوالی روڈ پر گشت کر رہے تھے کہ 2 موٹرسائیکلوں پر سوار نامعلوم ملزمان نے اندھا دھند فائرنگ کر دی،ملزم واردات کے بعد اسلحہ لہراتے ہوئے فرار ہو گئے۔
واقعے کی اطلاع ملتے ہی پولیس فورس کی بڑی تعداد جائے وقوعہ پر پہنچ گئی اور علاقے کی ناکہ بندی کر دی ، ریسکیو اہلکاروں نے لاشوں کو سٹی ہسپتال منتقل کر دیا ہے،شہدا میں اے ایس آئی یعقوب، کانسٹیبل مستقیم، کانسٹیبل انعام اور ڈرائیور رحیم شامل ہیں۔
پولیس کے مطابق علاقے میں حملہ آوروں کی تلاش کیلئے سرچ آپریشن شروع کر دیا گیا ہے تاہم تاحال کوئی گرفتاری عمل میں نہیں لائی جا سکی، پولیس ترجمان نے بتایا کہ شہیدوں کی نماز جنازہ سرکاری اعزاز کے ساتھ پولیس لائن لکی مروت میں ادا کی جائے گی۔
یہ بھی پڑھیں: 5 نومبر سے ہڑتال۔۔۔پٹرولیم ڈیلرز نے دھمکی دیدی