کوروناخدشےکے پیش نظر قیدیوں سے ملاقات پر پابندی عائد

 (24نیوز) پنجاب کی جیلوں میں کورونا کے پھیلاؤ کے خطرے کے پیش نظر قیدیوں سے ملاقات پر پابندی عائد کردی، پابندی میں 8 فیصد سے زائد کیسز والے اضلاع شامل ہیں۔

تفصیلات کے مطابق کورونا پھیلاؤ کے خدشے کے پیش نظر قیدیوں سےملاقات پر پھر پابندی عائد کردی گئی ، اس حوالے سے محکمہ داخلہ پنجاب نے آئی جی جیل خانہ جات اور ریجنل افسران کومراسلہ جاری کردیا ہے ،جس کے بعد آئی جی جیل خانہ جات پنجاب نے ریجنل افسران کو مراسلے میں کہا ہے کہ 8فیصد سےزائد کیسز والے اضلاع کی جیلوں میں ملاقات اور 15فیصد سےزائد کیسزوالےاضلاع میں ملاقات اور پیشیوں پر پابندی عائد ہوگی۔

واضح رہے کہ قیدیوں سےملاقاتوں پرپابندی والے اضلاع میں بہاولنگر،بہاولپور،گجرات،حافظ آباد،جھنگ، قصور ، لودھراں ،مظفر گڑھ،پاکپتن، رحیم یارخان  ،راولپنڈی، ٹوبہ ٹیک سنگھ اورگوجرانوالہ شامل ہیں۔قیدیوں سے ملاقات اور پیشی پر پابندی والے اضلاع میں چنیوٹ، فیصل آباد،لاہور،خانیوال،میانوالی،ملتان ، اوکاڑہ، شیخوپورہ، ساہیوال اور سرگودھا شامل ہیں۔

 
 یہ بھی پڑھیں:    13 فیصد سے زائد مثبت کورونا کیسز والے شہروں میں مکمل لاک ڈاﺅن کی تجویز