شہری سرکاری املاک اور  اسلحہ  فوری جمع کروائیں:ترجمان طالبان

(24نیوز)افغان طالبان نے شہریوں کو  سرکاری املاک، گاڑیاں اور  اسلحہ متعلقہ اداروں کو جمع کروانے کی ہدایت  جاری کر دی ۔

ترجمان طالبان ذبیح اللہ مجاہد کی جانب سے سوشل میڈیا پر جاری بیان میں کہا گیا ہے کہ شہری سرکاری املاک، گاڑیاں اور اسلحہ ایک ہفتے میں جمع کروا دیں۔شہری سرکاری اشیاء ایک ہفتے کے اندر اندر متعلقہ محکموں میں جمع کروا دیں تاکہ وہ کسی بھی قسم کی قانونی کارروائی سے بچ سکیں۔ضروری ہے کہ شہری ہدایات پر عمل کریں۔

۱/۲ اطلاعیۀ ارگان های امنیتی امارت اسلامی:
در شهر کابل به تمام کسانی که وسائط، اسلحه، مهمات و دیگر اجناس دولتی را باخود دارند، اطلاع داده میشود، که اشیای مذکوره را در مدت یک هفته به رضایت خود به ارگان های مربوطه امارت اسلامی بسپارند.

— Zabihullah (..ذبـــــیح الله م ) (@Zabehulah_M33) August 27, 2021

 
یاد رہے کہ اس سے قبل بھی طالبان نے دارالحکومت کابل میں شہریوں کو اسلحہ جمع کروانے کی ہدایت کرتے ہوئے کہا تھا کہ پہلے شہریوں نے اپنی حفاظت کے لئے اسلحہ رکھا ہوا تھا لیکن اب انہیں حفاظت کی ضرورت نہیں ہے کیونکہ ہم ان کی حفاظت کے لئے موجود ہیں۔ ہم جانتے ہیں شہریوں کے جان ومال کا تخفظ کس طرح کرتے ہیں۔
 یہ بھی پڑھیں: امریکا کا صوبہ ننگرہار میں ڈرون حملہ۔ کابل ایئرپورٹ حملے کا ماسٹر مائنڈ ہلاک