طالبان نے شیخ عبدالباقی حقانی کو نگراں وزیر برائے اعلیٰ تعلیم مقرر کردیا 

(مانیٹرنگ ڈیسک)طالبان کی افغانستان میں شراکت داری پر مبنی عبوری حکومت بنانے کی تیاریاں جاری ہیں،طالبان نے شیخ عبدالباقی حقانی کو نگراں وزیر برائے اعلیٰ تعلیم مقرر کردیا ۔
افغان اردو ویب سائٹ کے مطابق نگران وزیراعلیٰ تعلیم عبدالباقی حقانی نے کہاہے کہ قومی اور مذہبی اقدار دو اہم ستون ہیں،اعلیٰ تعلیم کے شعبے میں سابقہ انتظامیہ کے ساتھ ملکر کام کریں گے۔
افغان میڈیا کے مطابق وزارت اعلیٰ تعلیم میں ڈپٹی اکیڈمک منسٹر، ڈپٹی فنانشل منسٹر کا تقرر بھی کردیا گیا،سٹوڈنٹ افیئرز کے ڈپٹی منسٹر کا تقرر بھی کردیاگیا۔
وزارت اعلیٰ تعلیم کی نئی انتظامیہ کی سابقہ انتظامیہ سے ملاقات بھی ہوئی ،نئی طالبان انتظامیہ نے سابقہ انتظامیہ کی خدمات کو سراہا۔
واضح رہے کہ طالبان تعلیم، پبلک ورک، انفارمیشن اور کلچر کی وزارتوں میں نگراں وزراکاتقرر کر چکے ہیں ۔

شیخ عبدالباقی حقانے نے آج وزارت ہائیر ایجوکیشن کا چارج سنبھال لیا
انجینئر روح اللہ کو سائنسی شعبے، سید اسماعیل روحانی کو سٹوڈنٹ افیئرز اور اسداللہ فرید کو مالیاتی اور انتظامی شعبہ کا سربراہ مقرر کیا گیا ہے pic.twitter.com/zqc3MPn0rL

— افغان اردو (@AfghanUrdu) August 28, 2021

یہ بھی پڑھیں: امریکہ نے کابل ائیر پورٹ پر نئے حملے کی وارننگ جاری کر دی