(ویب ڈیسک )آرمی چیف جنرل قمر جاوید باجوہ آج سندھ کے سیلاب سے متاثرہ علاقوں کا دورہ کریں گے۔
پاک فوج کے شعبۂ تعلقات عامہ (آئی ایس پی آر) کے مطابق آرمی چیف امدادی کارروائیوں میں مصروف فوجی دستوں سے بھی ملاقات کریں گے۔
دوسری جانب پاک بحریہ نے ہیلی کاپٹر سے قمبر شہداد کوٹ میں محصور افراد کو ریسکیو کرلیا ہے۔ترجمان پاک بحریہ کے مطابق متاثرہ علاقے میں سیلابی پانی کے باعث زمینی رابطہ منقطع ہوچکا ہے، ریسکیو کیے گئے افراد کئی گھنٹوں سے گھروں کی چھتوں پر محصور تھے۔
پاک بحریہ کے ترجمان کا مزید کہنا تھا کہ ریسکیو کیے گئے افراد کو ہیلی کاپٹر کے ذریعے بحفاظت محفوظ مقام پر منتقل کر دیا گیا ہے۔