بیٹی نورِ جہاں کا چہرہ کیوں نہیں دکھاتی؟ زارا نور عباس نے وجہ بتادی
میری زندگی میں سب سے اہم میری بیٹی ،اپنے جذبات الفاظ میں بیان نہیں کرسکتی
Stay tuned with 24 News HD Android App
(ویب ڈیسک)معروف اداکارہ زارا نور عباس نے اپنی بیٹی نورِ جہاں کا چہرہ نہ دکھانے کی وجہ بتا دی ۔
زارا نور عباس نے اپنے آفیشل انسٹاگرام پر اپنی چند تصاویر پوسٹ کیں جن میں اداکارہ کے ہمراہ اُن کی ننھی شہزادی نورِ جہاں بھی موجود ہیں لیکن ان تصاویر میں زارا نور عباس نے مداحوں کو اپنی بیٹی کا چہرہ نہیں دکھایا۔
اداکارہ نے اپنی پوسٹ میں بیٹی کے نام ایک جذباتی پیغام بھی لکھا کہ یہ پیغام میری نورِ جہاں کی بیماری کے دنوں کے نام ہے، وہ طبیعت ناسازی کی وجہ سے دیر رات تک جاگتی اور صبح جلدی اُٹھتی، ان دنوں میں میرے لیے سب سے اہم میری بیٹی ہوتی ہے۔
زارانورعباس نے کہا کہ میں نے کبھی نہیں سوچا تھا کہ میرے والدین کے علاوہ بھی میرے زندگی میں کوئی اہم ہوسکتا ہے لیکن اب ماں بننے کے بعد احساس ہوا ہے کہ میری زندگی میں سب سے اہم میری بیٹی ہے،میں اپنے جذبات الفاظ میں بیان نہیں کرسکتی۔
زارا نور عباس نے کہا نورِ جہاں نے مجھے بہادر اور اپنا محافظ بنایا ہے، میں اپنی بیٹی سے اس قدر محبت کرتی ہوں کہ اُس کی خاطر سب کچھ کرلوں گی۔
معروف اداکارہ نے بیٹی کا چہرہ نہ دکھانے کی وجہ بتاتے ہوئے کہا کہ میں نورِ جہاں کا چہرہ جلدی نہیں دکھاؤں گی کیونکہ نظر لگ جائے گی لہٰذا جب تک آپ صرف بچی کی اماں کو برداشت کریں۔
واضح رہے کہ رواں سال 27 مارچ کو زارا نور عباس اور اداکاراسد صدیقی کے ہاں بیٹی کی پیدائش ہوئی تھی جس کا نام اُنہوں نے نورِ جہاں رکھا۔