(ویب ڈیسک)دنیا کی سب سے بڑی پیغام رسانی کی اپیلی کیشن واٹس ایپ نے اپنے صارفین کو جعلی خبروں سے متعلق خبردار کردیا۔
ویب بیٹا انفو کی ٹوئٹ میں واٹس ایپ کی بلیو ٹِک سے متعلق خبروں کو مسترد کیا گیا ہے اور بتایا گیا ہے کہ واٹس ایپ انتظامیہ تیسرے بلیو ٹِک پر کوئی کام نہیں کررہی،اگر ایسا ہوتا تو صارفین کو پہلے ہی آگاہ کر دیا جاتا۔
ویب بیٹا انفو کا کہناہےکہ واٹس ایپ سکرین شاٹ معلوم کرنے کے لئے کسی تیسرے بلیو چیک پر کام نہیں کررہا ہے ، اس حوالے سے خبر جعلی ہے۔ویب بیٹا انفو کا کہنا ہےکہ ہمیں ایسی کئی شکایتیں موصول ہوئی ہیں اگر آپ کو بھی واٹس ایپ کے حوالے سے کسی ایسے مسئلے کا سامنا ہے تو اپنے فون کا ماڈل اور واٹس ایپ بلڈ نمبر واضح کریں۔
خیال رہے کہ واٹس ایپ پر میسج چیٹ کے دوران بھیجاگیا پیغام جب سامنے والا شخص دیکھ لے تو دو بلیو ٹک واضح ہوتے ہیں،واٹس ایپ کے صارفین 2 ارب سے زیادہ ہیں جس کا استعمال لوگ اپنے دوستوں ساتھیوں اور پیاروں سے رابطے کے لیے کرتے ہیں، جو ٹیکسٹ میسجز کے ساتھ آڈیو، ویڈیو کالز اور میڈیا فائلز بھیجنے جیسی سہولیات فراہم کرتی ہیں۔
یہ بھی پڑھیں: موت کے وقت انسان کے دماغ میں کون سی چیز پیدا ہوتی ہے؟۔ سائنسدانوں کا بڑادعویٰ