پاک نیوزی لینڈ ٹیسٹ سیریز: دوسرے میچ کیلئے پی سی بی کا بڑا فیصلہ

(ویب ڈیسک) پی سی بی نےدوسرے ٹیسٹ میچ کے دوران انٹری فری کرنے کا فیصلہ کیا ہے۔

واضح رہے کہ پہلے ٹیسٹ کے دوران شائقین کا ٹرن آؤٹ بہت کم نظر آیا جس کے باعث انتظامیہ کو اسٹینڈز کو بھرنے کیلئے فوری اقدامات کرنے پڑے۔

پی سی بی نے تعلیمی اداروں، یتیم خانوں اور اولڈ ہومز سے رابطہ کرکے انہیں دوسرا ٹیسٹ دیکھنے کی دعوت دی ہے۔

یہ بھی پڑھیے: سرفراز احمد ایک اور اعزاز اپنے نام کرنے میں کامیاب

خیال رہے کہ اسٹیڈیم نہ بھرنے پر کراچی کو ہمیشہ تنقید کا سامنا کرنا پڑا۔ اکثر پی سی بی اسکول کے بچوں کو اسٹینڈز بھرنے کیلئے مدعو کرتا ہے۔

یاد رہے کہ اس سال کے شروع میں کراچی میں انگلینڈ کے خلاف ٹی ٹوئنٹی سیریز کے میچوں کے دوران پی سی بی نے اسکول کے بچوں کو میچ دیکھنے کی دعوت دی تھی۔