اداکار شہریار منور اور ماہین صدیقی رشتہ ازدواج میں بندھ گئے
دونوں نے اپنی زندگی کے خاص دن پر سفید اور سنہرے رنگ کے لباس کاانتخاب کیا
Stay tuned with 24 News HD Android App
(ویب ڈیسک) معروف اداکار شہریار منور اور اداکارہ ماہین صدیقی رشتہ ازدواج میں بندھ گئے ۔
اس خوبصورت جوڑی کو سوشل میڈیا پر گردش کرنے والی تصاویر میں نکاح نامہ تھامے دیکھا جا سکتا ہے،دونوں نے اپنے اس خاص دن پر سفید اور سنہرے رنگ کا لباس پہن رکھا ہے۔
اداکار شہریار منور اورماہین صدیقی کی شادی کی تقریبات کا آغاز ڈھولکی سے ہواتھا جس میں اداکارہ ماہرہ خان، مومل شیخ، احد رضا میر، عدیل حسین، جمی خان اور علی حمزہ سمیت دیگر فنکاروں نے شرکت کی تھی،اس کے بعد قوالی نائٹ کابھی انعقاد کیا گیا جس میں راحت فتح علی خان نے اپنی آواز کا جادو جگایا۔
شادی کی تقریبات کے دوران شہریار منور اور ماہین صدیقی مختلف روایتی لباس میں نظر آئے، جنہیں ان کے مداحوں نے بے حد پسند کیا،ہلدی کی تقریب میں ماہین صدیقی نے پیلے رنگ کا جوڑا جبکہ شہریار منور نے آسمانی رنگ کا کُرتا پہناتھا ۔
شہریار منور نے 2012 میں ڈرامہ سیریل "میرے درد کو جو زبان ملے"سے شوبز انڈسٹری میں قدم رکھا تھاجس کے بعد انہوں نے ڈرامہ سیریل"زندگی گلزار ہے" میں معاون کردارکرکے شہرت حاصل کی،بعد ازاں انہوں نے فلم "ہو من جہاں" میں بھی اداکاری کے جوہر دکھائے۔
ماہین صدیقی بھی ڈرامہ انڈسٹری کی ابھرتی ہوئی اداکارہ ہیں، جنہوں نے مختصر عرصے میں اپنی صلاحیتوں کو منوایا ہے۔
مداحوں کی جانب سے اس جوڑے کو نئی زندگی کے آغاز پر مبارکباد دینے کے ساتھ ساتھ نیک تمناؤں کا اظہار کیا جارہا ہے۔