سینیٹ انتخابات میں حفیظ شیخ ہی کامیاب ہونگے: شیخ رشید

(24نیوز)وفاقی وزیر داخلہ شیخ رشید احمد کاکہناہے کہ کل سپریم کورٹ کا ایک اہم فیصلہ آنا ہے،سینیٹ انتخابات میں حفیظ شیخ ہی کامیاب ہوں گے،یقین ہے کہ ایم کیو ایم حفیظ شیخ کو ووٹ دےگی۔
شیخ رشید احمد نے کہاکہ وزیراعظم عمران خان کی قیادت میں ملک آگے بڑھ رہا ہے، حفیظ شیخ نے ملکی معیشت کو بہتر کیا،راوں سال ایف اے ٹی ایف کے مزید تین نکات بھی پورے ہوجائیں گے، امریکہ اور چین کے ساتھ ہمارے تاریخی اور بہتر تعلقات ہیں،انہوں نے کہاکہ بھارت کے ساتھ اچھے تعلقات چاہتے ہیں،بھارت آرٹیکل 370 کو واپس لے ،آج ساری عرب دنیا پاکستان کی طرف دیکھ رہی ہے۔
شیخ رشید نے کہاکہ آصف زرداری کی کرپشن کو چھپانے کیلئے ایک شخص نے قربانی دی، یوسف رضا گیلانی نے قیمتی ہار خزانے میں جمع کرانے کے بجائے بیوی کو دےدیا۔
انہوں نے کہاکہ پورے ملک میں آن لائن ویزہ جاری کردیا گیا ہے،ہماری طرف سے پی ڈی ایم کیلئے کوئی رکاوٹ نہیں ہوگی، 70سے 80ہزار لوگوں نے دہشتگردی کیخلاف جنگ میں قربانی دی،بہارہ کہو واقعے میں نامزد ملزم کو کل تک پکڑ لیں گے۔