عمران خان قوم سے خطاب کر کےوقت ہی ضائع کریں گے: مریم اورنگزیب

(24نیوز) مسلم لیگ ن کی ترجمان مریم اورنگزیب نے وزیراعظم عمران خان کے آج قوم سے خطاب کے فیصلے کو شدید تنقید کا نشانہ بناتے ہوئے کہا کہ دعا ہے کہ یہ آخری خطاب ثابت ہو تاکہ مسلسل ذہنی اذیت ، مہنگائی اور بے روزگاری سے نجات مل سکے۔

 مریم اورنگزیب نے اپنے ٹویٹ میں کہاکہ عمران خان قوم سے خطاب کر کے قوم کا مزید وقت ہی ضائع کریں گے جس شخص پہ عوام کو اعتماد نہیں رہا وہ کیا عوام کو اعتماد میں لیں گے ،انہوں نے مزید کہا کہ اگرچہ ممکن تو نہیں لیکن شاید خطاب میں چودہ ممالک سے غیرقانونی فنڈنگ،آٹا،چینی ،بجلی ،گیس دوائی کی چوریوں کا حساب دیں۔

قوم سے خطاب کر کے قوم کا مزید وقت ہی ضائع کریں گے۔ جس شخص پہ عوام کو اعتماد نہیں رہا وہ کیا عوام کو اعتماد میں لیں گے اگرچہ ممکن تو نہیں لیکن شاید خطاب میں چودہ ممالک سے غیرقانونی فنڈنگ،آٹا,چینی ,بجلی ،گیس دوائی کی چوریوں کا حساب دیں۔@ImranKhanPTI

— Marriyum Aurangzeb (@Marriyum_A) February 28, 2022

قوم سے کئے اپنے جھوٹے وعدوں اور سیاسی مخالفین پہ لگائے جھوٹے الزامات پر معافی مانگیں؟کیونکہ مہنگائی میں کمی،پچاس لاکھ گھر،ایک کروڑ نوکری اور آئی ایم ایف نہیں جاؤں گا کےاعلان تو اب ممکن نہیں ۔

یہ بھی پڑھیں: عوام کارکردگی دیکھ رہے ہیں۔ جھوٹ کی قلعی کھل گئی :حمزہ شہباز