فٹبال ورلڈ کپ کے بعد اسٹار کھلاڑی لیونل میسی نے ایک اور اعزاز اپنے نام کرلیا

(ویب ڈیسک) گزشتہ سال قطر میں ہونے والے فٹبال ورلڈ کپ کی ٹرافی اٹھانے کے بعد ارجنٹائن کے اسٹار فٹبالر لیونل میسی نے ایک اور اعزاز اپنے نام کرلیا۔

لیونل میسی نے 2022ء کا فیفا پلیئر آف دی ایئر کا ایوارڈ جیت لیا، انہوں نے یہ اعزاز دوسری بار حاصل کیا۔

پیر کو پیرس میں فیفا ایوارڈ کی تقریب منعقد ہوئی جس میں سال 2022ء کے بہترین کھلاڑیوں کو ایوارڈز سے نوازا گیا۔

???? ???????????????????? ????
#TheBest FIFA Men’s Player Award 2022 goes to Lionel Messi! ???????? pic.twitter.com/HXEugVH1t9

— FIFA World Cup (@FIFAWorldCup) February 27, 2023

مینز فٹبالر آف دی ایئر کی کیٹیگری میں فرانس کے امباپے، کریم بینزیما اور لیونل میسی کے مابین سخت مقابلہ تھا۔ تاہم میسی نے حریفوں کو پیچھے چھوڑتے ہوئے سال کے بہترین فٹبالر کا ایوارڈ اپنے نام کرلیا۔

میسی کی کپتانی میں ارجنٹائن نے گزشتہ سال فیفا ورلڈ کپ جیتا جبکہ اسٹار فٹبالر نے اپنے ملک اور مختلف کلبز کی نمائندگی کرتے ہوئے سال 22-2021 میں 49 مقابلوں میں 27 گولز کیے۔

Another prize for Lionel Messi ????#TheBest pic.twitter.com/7kUaRRebBy

— FIFA World Cup (@FIFAWorldCup) February 27, 2023

ایوارڈ جیتنے کے بعد  میسی نے کہا کہ ’یہ حیرت انگیز ہے، یہ ایک زبردست سال رہا، میرے لیے اعزاز کی بات ہے کہ میں یہاں ہوں اور یہ ایوارڈ جیتا، ساتھی کھلاڑیوں کے بغیر یہ ممکن نہیں تھا‘۔

میسی نے مزید کہا کہ میں نے اپنا خواب پورا کرلیا جس کی میں اتنے عرصے سے امید کر رہا تھا۔ بہت کم لوگ اسے حاصل کر پاتے ہیں اور میں خوش قسمت ہوں۔