بانی ملنا چاہتے تھے، ملاقات کی اجازت نہیں دی گئی:عمر ایوب

(24 نیوز)قومی اسمبلی میں اپوزیشن لیڈر عمرایوب نے کہا ہے کہ بانی ملنا چاہتے تھے، ملاقات کی اجازت نہیں دی گئی۔

راولپنڈی میں اڈیالا جیل کے باہر میڈیا سے گفتگو کرتے ہوئے عمر ایوب نے کہا کہ بانی پی ٹی آئی نے مجھ سمیت 6 پارٹی رہنماﺅں جنید اکبر، صاحبزادہ حامد رضا، کنول شوزب، تیمور جھگڑا سے ملنا چاہتے تھے مگر ملاقات کی اجازت نہیں دی گئی۔

انہوں نے کہا کہ جیل ٹرائل کی سماعتوں کی لمبی تاریخیں ڈالی جا رہی ہیں، چیف جسٹس سے ملاقات ہوئی تھی ان کے سامنے ساری صورت حال رکھی تھی۔ 

انہوں نے کہا کہ ماتحت عدالتیں لمبی تاریخیں دے رہی ہیں، چیف جسٹس سے درخواست کی تھی بانی پی ٹی آئی کے بنیادی حقوق سلب کیے جا رہے ہیں۔

 انہوں نے کہا کہ ہم نے چیف جسٹس کے سامنے اپنے تمام اسیران کے مسائل رکھے تھے، اپوزیشن نے آئین اور قانون کی حکمرانی کے بارے میں بات کی ہے۔