بھارتی فلمساز پرقریبی دوست کے سنگین الزامات،پولیس سے مددمانگ لی

(ویب ڈیسک)معروف بھارتی فلمساز ایس ایس راجامولی پر ان کے قریبی دوست نے تشدد اور ہراساں کرنے کے سنگین الزامات عائد کرتے ہوئے پولیس سے مدد کی اپیل کردی ۔

ایس ایس راجامولی کے قریبی دوست سری نواز راؤ نے سنگین  الزامات عائد کرتے ہوئے کہا ہے کہ راجامولی نے میری زندگی برباد کردی۔

بھارتی میڈیا کے مطابق سری نواس راؤ نے دعویٰ کیا ہے کہ راجامولی کے رویے نے انہیں خودکشی تک کے خیالات پر مجبور کردیا ہے۔

 سری نواس راؤ نے ایک ویڈیو اور خط کے ذریعے اپنی کہانی شیئر کی ہے۔

 سری نواس کا کہنا تھا کہ وہ راجامولی کے 34 سال پرانے دوست ہیں، لیکن جب دونوں نے ایک ہی شخص کےلیے جذبات محسوس کیے، تو ان کی دوستی خطرے میں پڑگئی،مجھے خودکشی کے سوا کوئی چارہ نہیں رہا،راجامولی ہی کی وجہ سے میں 55 سال کی عمر میں بھی کنوارا ہوں۔

انہوں نے بتایا کہ انہوں نے دوستی کی خاطر اس رشتے کو آگے بڑھانے سے انکار کردیا لیکن بعد میں راجامولی نے ان کے خلاف ہوکر ان کی زندگی اجیرن کردی۔

سری نواس راؤ نے کہاکہ ہم نے یامادونگا فلم تک ساتھ کام کیا، لیکن ایک عورت کی وجہ سے انہوں نے میرا کیریئر تباہ کردیا۔

سری نواس راؤ کا کہنا تھا کہ جب راجامولی سپر اسٹارڈم کے عروج پر پہنچے، تو انہوں نے میری وفاداری پرسوال اٹھانا شروع کردیا اور مجھے مسلسل ہراساں کرنے لگے،میں اب 55 سال کا ہوں اور اس ہراسانی کو مزید برداشت نہیں کر سکتا۔

انہوں نے کہا کہ راجامولی نے انڈسٹری میں اپنے حریفوں کو ختم کرنے کےلیے ’’کالے جادو‘‘ تک کا سہارا لیا ہے،میں پولیس سے درخواست کرتا ہوں کہ وہ اس معاملے کی تحقیقات کریں اور مجھے انصاف دلائے۔

ایس ایس راجامولی اور ان کی ٹیم کی جانب سے ان الزامات پر کوئی ردعمل ظاہر نہیں کیاگیا۔

یہ بھی پڑھیں:وینا ملک نے بیٹے کے ساتھ جذباتی ویڈیو شیئر کردی

راجامولی، بڑے بجٹ کی فلمیں بنانے اور فکشن و فینٹسی کو یکجا کرنے کےلیے مشہور ہیں،اس وقت وہ  مہیش بابو کے ساتھ فلم ایس ایس ایم بی 29 کی شوٹنگ میں مصروف ہیں،کہاجارہاہے کہ پریانکا چوپڑا بھی اس فلم کا حصہ ہوں گی، لیکن ابھی تک اس کی تصدیق نہیں ہوئی ہے۔