(24نیوز)شہرقائد بڑی دہشتگردی سے بچ گیا۔کراچی کے علاقے ڈیفنس سے کالعدم تحریک طالبان کے 3 دہشتگرد وں کو گرفتار کرکے اسلحہ برآمدکرلیا گیا۔
ایس پی کلفٹن کے مطابق ایس ڈی پی او درخشاں اور ایس ایچ او ڈیفنس کی سربراہی میں ڈیفنس پولیس نے کارروائی کرتے ہوئے کالعدم تحریک طالبان پاکستان کے 3 دہشتگردوں کو گرفتار کرکے اسلحہ برآمد کرلیا۔ملزموں کے قبضے سے 2 دستی بم، ایک ایوان بم اور راؤنڈز سمیت 3 پستول برآمد کئے گئے۔ گرفتار ملزموں سے مزید تفتیش جاری ہے جبکہ ان کے دیگر ساتھیوں کی تلاش کے لئے ٹیمیں بھی تشکیل دے دی گئی ہیں۔ایس پی کلفٹن کا کہنا ہے کہ دہشت گردوں کی گرفتاری کومبنگ آپریشن کے دوران قیوم آباد ڈی ایریا سے کی گئی،