امریکا: معروف کامیڈی اداکارہ  کلورس لیچ مین انتقال کرگئیں

(24 نیوز) امریکا کی معروف کامیڈی اداکارہ  کلورس لیچ مین 94 سال کی عمر میں انتقال کرگئیں۔

تفصیلات کےمطابق اداکارہ لیچ مین ریاست کیلیفورنیا کے شہر میں رہائش  پذیر تھیں۔ انہوں نے میری ٹیلر مور شو سمیت ٹیلی ویژن کے متعدد پروگراموں میں اداکاری کے جوہر دکھائے ،لیچ مین نے  8بار ایمی ایوارڈ  حاصل کیا۔ امریکی کامیڈی اداکارہ  لیچ مین کی اپنےگھر میں طبعی موت ہوئی۔ 

میڈیا رپورٹ کے مطابق  ماضی کی معروف اداکارہ کے مینیجر جولیٹ گرین نے کہا ہے کہ کلورس لیچ مین کے ساتھ کام کرنا میرے لئے اعزاز کی بات ہے، وہ  ہمارے وقت کی سب سےبے خوف اداکارہ تھیں۔

انہوں نے مزید کہا کہ کلورس جیسا کوئی نہیں تھا،  وہ آپ کو جب تک  ہنسی کے سبب آپ کے چہرے پر آنسو نہ آجائیں ہنسانے صلاحیت رکھتی تھی، وہ 90سال کی عمر میں بھی باقاعدگی سے اداکاری کرتی رہیں۔