کورونا سے نمٹنے میں پاکستان بھارت سے بہتر

 (24نیوز)عالمی وبا کورونا سے نمٹنے میں نیوزی لینڈ سب سے آگے رہا جبکہ پاکستان نے وبا سے نمٹنےکی جنگ میں بھارت کو پیچھے چھوڑ دیا۔

تفصیلات کے مطابق آسٹریلیا کے تھنک ٹینک لووی انسٹیٹیوٹ (Lowy Institute) کی رپورٹ میں 100 ممالک کی جانب سے کیسز کی تعداد، اموات اور ٹیسٹنگ کی شرح کا جائزہ لیا گیا۔رپورٹ کے مطابق وبا سے بہتر طریقے سے نمٹنے والے ممالک میں نیوزی لینڈ پہلے، ویتنام دوسرے اور تائیوان تیسرے نمبر پر رہا۔

واضح رہے کہ آسٹریلیا 8 ویں اور سری لنکا 10 ویں نمبر پر رہا، پاکستان کی پوزیشن 69 جبکہ بھارت کی پوزیشن 86 ویں یعنی پاکستان سے بدتر رہی۔تھنک ٹینک کے مطابق کورونا سے نمٹنے کے حوالے سے برازیل بدترین ملک رہا جس کی پوزیشن 98 دی گئی ہے جبکہ امریکا، ایران، کولمبیا اور میکسیو بھی بدترین کارکردگی والے ممالک میں شا مل ہیں، رینکگ میں چین کو شامل نہیں کیا گیا۔