مریم نواز کے طیارے میں ایمرجنسی,بڑی خبرآگئی

(ویب ڈیسک )مسلم لیگ ن کی سینئر نائب صدر مریم نواز کے طیارے میں میڈیکل ایمرجنسی ہو گئی جس کے باعث پرواز تاخیر سے روانہ ہوئی۔مریم نواز جس طیارے میں سوار ہیں اس میں ایک مسافر کو دل میں تکلیف ہوئی ہے۔

تفصیلات کے مطابق مسافر کے معائنے کے لیے میڈیکل ٹیم طیارے میں داخل ہوئی ہے۔بیمار مسافر محمد ہارون کو میڈیکل عملے نے جہاز سے اتار لیا اور اسپتال منتقل کیا۔

واضح رہے کہ دبئی میں گزشتہ روز پارٹی رہنماؤں سے ملاقات میں مریم نواز کا کہنا تھا کہ آنے والا وقت پاکستان مسلم لیگ کا ہے۔

سینئر نائب صدر مسلم لیگ ن اور چیف آرگنائزر مریم نواز صاحبہ ابوظہبی سے لاہور روانگی کیلیے جہاز میں سوار#خوش_آمدید_امید_سحر pic.twitter.com/Z47nRfga8J

— PML(N) (@pmln_org) January 28, 2023

انہوں کے کہا کہ پارٹی قائد میاں محمد نواز شریف کی لیڈرشپ میں پاکستان کو بھنور سے نکالیں گے۔ن لیگ کی سینئر نائب صدر کا کہنا تھا کہ نوجوانوں کو آگے آکر اپنا بھرپور کردار ادا کرنا ہوگا۔

یاد رہے کہ مریم نواز گزشتہ سال اکتوبر میں لندن روانہ ہوئی تھیں، لندن سے جنیوا جا کر اپنے گلے کی سرجری بھی کرائی تھی۔