مریم نواز کا لاہور پہنچنے پر شاندار استقبال
مسلم لیگ( ن) کی چیف آرگنائزر مریم نواز جاتی امراء پہنچ گئیں
Stay tuned with 24 News HD Android App
(24 نیوز) پاکستان مسلم لیگ ن کی رہنما مریم نواز قومی ائیرلائن کی پرواز پی کے 264 پر لاہور پہنچ گئیں جہاں ان کے استقبل کیلئے بڑی تعداد میں پارٹی رہنما اور کارکن موجود ہیں۔
— 24 News HD (@24NewsHD) January 28, 2023
یہاں مریم نواز ائیرپورٹ کے باہر بنائے گئے استقبالیے سے خطاب بھی کریٰ گی اور پارٹی کی تنظیم نو کا آغاز کریں گی۔
— 24 News HD (@24NewsHD) January 28, 2023
مریم نواز جمعرات اور جمعے کی رات براستہ دبئی لندن سے لاہور کے لیے نکلیں تھیں ۔ جمعے کو انہوں نے دبئی میں قیام کیا اور ہفتے کو وہ پی آئی اے کی پرواز سے لاہور پہنچیں۔
چیف آرگنائزر مسلم لیگ نواز (ن) مریم نواز شریف کا ائیر پورٹ سے جاتی امراء کا روٹ تبدیل کر دیا گیا ہے۔مریم نواز شریف ائیرپورٹ سے براہ راست ریلی کی قیادت کرتے ہوئے رنگ روڈ اڈا پلاٹ سے ہوتی ہوئیں جاتی امراء پہنچیں گی۔مریم نواز شریف جاتی امرا کے لیے شہر کے اندر سے نہیں جائیں گی۔ شہریوں کو ٹریفک مسائل سے بچانے کیلئے مریم نواز شریف کا روٹ تبدیل کیا گیا۔مریم نواز شریف ائیرپورٹ سے براہ راست رنگ روڈ اڈا پلاٹ پہنچیں گی۔
مسلم لیگ( ن) کی سینئر نائب صدر اور چیف آرگنائزر مریم نواز علامہ اقبال ائیر پورٹ سے قافلے کی صورت میں اپنی رہشگاہ جاتی امراء پہنچ گئی ہیں ، کیپٹن (ر) صفدر اور مسلم لیگ (ن )کی دیگر قیادت بھی ان کے ہمراہ تھی ۔ اس موقع پر مریم نواز کا پرتباک استقبال کیا گیا ، کارکنوں کی جانب سے قافلے پر گل پاشی کی گئی اور مریم نواز کے حق میں نعرے بازی کی گئی ۔