ٹوئٹر کے شریک بانی ’’بِز اسٹون ‘‘نے ’’ایلون مسک ‘‘کی انتظامی صلاحیتوں پر سوالات اٹھا دئیے

(ویب ڈیسک )سوشل میڈیا سائٹ ٹوئٹر کے شریک بانی بِز اسٹون نے ایلون مسک کے ٹوئٹر چلانے کی صلاحیتوں پر سوالات اٹھا دئیے۔

تفصیلات کے مطابق بِز اسٹون نے کہا ہے کہ ایلون مسک نے ٹوئٹر میں میری کی گئی تمام تبدیلیوں کو ریورس کردیا، ایلون مسک نے کام کرنے کی جگہوں پر میری کی گئی تبدیلیوں کوختم کردیا ہے۔

بز اسٹون کا کہنا تھا کہ سوشل میڈیا پلیٹ فارم چلانا ایک مشکل کام ہے، اس میں آدھے لوگ آپ سے خوش اور آدھے آ پ سے ناراض ہوں گے،ایلون مسک کے ٹوئٹر کے سی ای او ہونے کی صلاحیت پر بات کر تے ہوئے انہوں نے کہا کہ ابھی ایساصحیح نہیں لگتا لیکن میں غلط ہو سکتا ہوں، بِز اسٹون نے کہا کہ ایلون مسک کے ماتحت ملازمین کے جذبے اور مواد کی پالیسیوں میں ہونے والی بہتری الٹ گئی ہے۔

واضح رہے کہ ٹوئٹر کو خریدنے کے فوری بعد ایلون مسک نے کمپنی میں کئی تبدیلیاں کی تھیں۔