(24 نیوز)پنجاب کی اعلیٰ سیاسی شخصیت کے مبینہ ڈرائیور اور گن مین کو شراب برآمد ہونے پر گرفتار کرلیا گیا۔
وفاقی پولیس نے دعویٰ کیا ہے کہ دو ملزمان کو گاڑی میں شراب لے جاتے گرفتار کیا ،ملزمان کی شناخت محمد زمان اور محمد اجمل کے نام سے ہوئی ہے،پولیس نے کہاہے کہ گرفتار ملزم نے خود کو اعلیٰ شخصیت کا ڈرائیور اور گن مین ظاہر کیاہے۔
ملزمان نے کہاکہ اعلیٰ شخصیت نے پیسے دیکر اسلام آباد میں فہیم نامی شخص کے پاس بھجوایا ،ملزم زمان نے بتایا کہ فہیم نامی شخص سے پنجاب ہاؤس میں جاکر ملے،اعلیٰ سیاسی شخصیت نے پیکٹ دیا جو فہیم کو دے کر اس سے بریف کیس لیا،ملزم اجمل نے کہا کہ فہیم پنجاب ہاؤس میں پروٹوکول آفیسر ہے۔
ملزمان کاکہناتھا کہ فہیم اعلیٰ شخصیت کیلئے رنگین محفلوں کا اہتمام بھی کرتا ہے،پولیس نے ملزمان کے خلاف تھانہ سیکرٹریٹ میں مقدمہ درج کر لیا۔
یہ بھی پڑھیں: پیٹرول کے بحران کا خدشہ، چیئرمین پیٹرولیم ڈیلرز نے خطرے کی گھنٹی بجادی