دفاعی چیمپئن فیم سپورٹس فٹبال کلب نے چیلنج کپ کا میلہ پھر لوٹ لیا
Stay tuned with 24 News HD Android App
(24نیوز) فیم فٹ بال کلب کے زیراہتمام فیم سپورٹس چیلنج کپ کا میلہ میزبان فیم سپورٹس کی فتح کے ساتھ اختتام پذیر ہوگیا۔
تفصیلات کےمطابق گزشتہ شام کھیلے گئے فائنل میں فیم سپورٹس کلب نے دلچسپ مقابلے کے بعد سنتوس کلب کو ایک صفر سے شکست دے کر ٹائٹل پر قبضہ برقرار رکھا۔ فاتح ٹیم کیلئے میچ کا واحد گول سٹرائیکر کامران نے میچ کے پہلے ہاف میں سکور کیا۔
ٹورنامنٹ آرگنائرز ضیاء ڈوگر نےفاتح ٹیم کو ایک لاکھ پچاس ہزار روپے انعامی رقم اور خوبصورت ٹرافی سے نوازا۔ رنراپ ٹیم سنتوس کو ٹرافی کے ساتھ ایک لاکھ روپے انعام ملا جبکہ تیسرے نمبر پر رہنے والی ٹیم ریال لاہور کو تیس ہزار روپے اور ٹرافی ملی۔
مزید پڑھیں:BBLفائنل,مچل اوون کی شاندار بیٹنگ،ہوبارٹ ہریکینز نے ٹائٹل جیت لیا
ایونٹ کے بہترین سٹرائیکر کا ایوارڈ فیم کے کھلاڑی قدیر خان اور بہترین گول کیپر کا اعزاز حسن نے حاصل کیا۔ ایونٹ کے اختتام پر آرگنائرز ضیاء ڈوگر نے ایونٹ مینجمنٹ ، کھلاڑیوں اور شائقین کا ایونٹ کے کامیاب انعقاد میں کردار ادا کرنے پر شکریہ ادا کیا۔