بلوچستان میں سیکیورٹی فورسز کی کارروائی، 5 خوارج ہلاک، پاک فوج کے 2جوان شہید

(احمد منصور)بلوچستان میں سیکیورٹی فورسز نے دہشتگردوں کے حملے کو ناکام بناتے ہوئے کامیاب کارروائی کی جس میں 2 خودکش بمباروں سمیت 5 خوارج ہلاک کردئے،دہشتگردوں کے خلاف بہادری سے لڑتے ہوئے پاک فوج کے جوانوں نے جامِ شہادت نوش کیا۔ 

پاک فوج کے شعبہ تعلقات عامہ آئی ایس پی آر  کے مطابق بلوچستان کے ضلع قلعہ عبداللہ کے علاقے گلستان میں خوارجیوں نےچیک پوسٹ پر حملہ کیا، حملے کو سیکیورٹی فورسز نے بروقت کارروائی  کرتے ہوئے  ناکام بنایا۔

حملے میں خوارجیوں نے دھماکہ خیز مواد سے لدی گاڑی پوسٹ کی دیوار سے ٹکرا دی،سیکیورٹی فورسز کی کارروائی میں 2خود کش بمباروں سمیت 5 خوارج مارے گئے۔

نائک طاہر خان اور لانس نائیک طاہر اقبال بہاداری سے لڑتے ہوئے شہید ہوئے۔
آئی ایس پی آر کے مطابق علاقے میں دیگر دہشت گردوں کی تلاش کیلئے سینٹائزڈ آپریشن جاری ہے،سیکیورٹی فورسز دہشت گردی کے خاتمے کے لئے عزم ہیں،جوانوں کی یہ قربانیاں ہمارے عزم کو  تقویت دیتی ہیں۔

یہ بھی پڑھیں: اداکار خوشحال خان باکسنگ میں بھی چھا گئے، مخالف کو دھول چٹا دی