بینکوں سے 50 ہزار تک رقم نکلوانے پر کوئی ٹیکس نہیں ہو گا

(ویب ڈیسک) پاکستان بھر کے تمام بینکوں سے 50 ہزار تک رقم نکلوانے پر کوئی بھی ٹیکس نہیں ہو گا۔

فیڈرل بورڈ آف ریونیو (ایف بی آر) کے جاری کردہ سرکلر کے مطابق ملک بھر کے تمام بینکوں سے 50 ہزار تک رقم نکلوانے پر ٹیکس کی شرح صفر ہو گی جبکہ 50 ہزار 500 روپے نکلوانے پر 303 روپے ٹیکس کی مد میں کاٹے جائیں گے۔ 

یہ بھی پڑھیں: گندم کی قیمت میں پھر اضافہ، فی من نرخ کہاں پہنچ گئے؟پریشان کن خبر

بینکوں سے رقم سے نکلوانے والے نان فائلر صارفین پر ایڈوانس ٹیکس کی مد میں 0.6 فیصد کٹوتی ہو گی جبکہ ایکٹو ٹیکس پیئرز لسٹ میں شامل نہ ہونے والے صارفین سے وصول کیا جائے گا۔

ایف بی آر کے جاری کردہ سرکلر کے مطابق نان فائلرز سے 55 ہزار روپے نکلوانے پر 330 روپے اور 75 ہزار روپے نکلوانے پر 450 روپے ٹیکس وصول کیا جائے گا۔