کراچی: گیس سلنڈر دھماکہ، خاتون و بچوں سمیت 11 افراد زخمی

(سلیمان سلیم) شہر قائد کے علاقے اونگی ٹاؤن کے ایک گھر میں گیس سلنڈر کے دھماکے سے 11 افراد زخمی ہو گئے ہیں۔

کراچی کے علاقے اورنگی ٹاؤن 10 نمبر  غوثیہ چوک کے قریب گھر میں گیس سلنڈر کے زوردار دھماکے باعث گھر کی دیوار اور چھت گر گئی، جبکہ متاثرہ دیوار کا ملبہ پڑوسی کے گھر میں گرا۔

ریسکیو ذرائع کے مطابق  حادثے میں خاتون و بچوں سمت 11 افراد زخمی  جبکہ گھر کی دیوار گرنے سے پڑوسی بھی زخمی ہوئے، زخمیوں کو عباسی ہسپتال اور سول ہسپتال برنس وارڈ منتقل کردیا گیا۔

دیوار کا ملبہ گرنے سے اقرا نامی خاتون سمیت اس کے چار سالہ بیٹی ندا اور دو نومولود جڑواں بچے حسن اور حسین بھی زخمی ہو گئے جبکہ دھماکہ جس گھر میں ہوا وہاں 7 افراد جھلس کر زخمی ہو گئے۔

یہ بھی پڑھیں:مردہ خاتون تدفین سے قبل زندہ ہو کر بہن کو ڈانٹنے لگ گئیں