آئی ایم ایف کی جانب سے قرض پروگرام کی بحالی کا معاملہ، بڑی خبر آگئی

 (ویب ڈیسک) آئی ایم ایف کی جانب سے قرض پروگرام کی بحالی کے معاملے پر پاکستان کو میمورنڈم آف اکنامکس اینڈ فنانشل پالیسی کا مسودہ موصول ہوگیا۔

Early this morning, the Government of Pakistan has received an MEFP from the IMF for combined 7th and 8th reviews.

— Miftah Ismail (@MiftahIsmail) June 28, 2022

 وفاقی وزیر خزانہ مفتاح اسماعیل نے سماجی رابطے کی ویب سائٹ پر ٹویٹ کرتے ہوئے کہا کہ آئی ایم ایف نے میمورنڈم آف اکنامکس اینڈ فنانشل پالیسی کا مسودہ فراہم کر دیا، مسودہ آج صبح موصول ہوچکا ہے، آئی ایم ایف نے ساتویں اور آٹھویں جائزہ کے بارے میں مسودہ دے دیا ہے۔

 یہ بھی پڑھیں: شہباز شریف کا لوڈشیڈنگ بڑھنے کا عندیہ

خیال رہے گزشتہ روز وزیراعظم شہباز شریف نے مسلم لیگ ن اور اتحادی جماعتوں کے ارکان اسمبلی سے خطاب میں کہا کہ پاکستان دیوالیہ ہونے سے بچ گیا۔

شہباز شریف کا کہنا تھا کہ آئی ایم ایف سے بہت جلد معاہدہ طے پانے جا رہا ہے۔ لیکن اس مرتبہ شرائط بہت سخت ہیں کیونکہ پی ٹی آئی حکومت نے آئی ایم ایف سے معاہدے کی دھجیاں اڑائی تھیں۔

 انہوں نے کہا کہ خوشحالی کی طرف قدم بڑھائیں گے لیکن اس میں وقت لگے گا۔ کشکول کا زمانہ ختم ہوچکا اب نیا زمانہ آئے گا۔ دنیا میں کوئلہ بہت مہنگا ہوچکا ہے۔ پاکستان کے اربوں ڈالر کوئلے کی درآمد پر خرچ ہوتے ہیں۔ افغانستان سے جلد کوئلہ آنا شروع ہوجائے گا۔

 وزیراعظم نے جولائی میں لوڈشیڈنگ مزید بڑھنے کا عندیہ دیدیا۔ ان کا کہنا تھا کہ گیس اور تیل کے مسائل ہیں۔ جولائی کے لیے ایل این جی کے جہاز نہیں ملے لیکن کوشش جاری ہے۔ اس لیے ہوسکتا ہے کہ جولائی میں لوڈشیڈنگ بڑھ جائے۔