(24نیوز)شمالی وزیرستان کی تحصیل دتہ خیل میں پولیو ٹیم پر نامعلوم افراد نے فائرنگ کر دی جس کے نتیجے میں 2 پولیس اہلکار اور ایک پولیو ورکر شہید ہو گیا۔
تفصیلات کے مطابق ملک کے دیگر علاقوں کی طرح صوبۂ خیبر پختونخوا میں بھی انسدادِ پولیو مہم جاری،ڈپٹی کمشنر شمالی وزیرستان شاہد علی خان کا کہنا ہے کہ تحصیل دتہ خیل کے علاقے تنگ کلی میں پولیو ٹیم بچوں کو پولیو ویکسین کے قطرے پلانے گئی تھی کہ نامعلوم افراد نے فائرنگ شروع کر دی جس سے 2 پولیس اہلکار دین شاہد، رضا اللّٰہ اور ایک پولیو ورکر موقع پر ہی شہید ہو گیا۔
فائرنگ سے ایک بچہ بھی زخمی ہوا ہے، لاشوں اور زخمی بچے کو تحصیل ہسپتال دتہ خیل منتقل کر دیا گیا ہے۔