وزیراعظم عمران خان کی ہندو برادری کو ’ ہولی‘ پر مبارکباد

(24 نیوز)وزیراعظم عمران خان نے پاکستان میں مقیم ہندو برادری کو مذہبی تہوار ہولی کی مبارکباد دی ہے۔

تفصیلات کے مطابق ٹوئٹر پر جاری کئے گئے بیان میں وزیراعظم نے کہا کہ رنگوں کا تہوار پر ہماری تمام ہندو برادری کو ہولی مبارک ہو۔وزیراعظم عمران خان کے پیغام پر ہندو برادری کی بڑی تعداد ان کا شکریہ ادا کررہی ہے۔

Wishing all our Hindu community a very happy Holi, the festival of colours.

— Imran Khan (@ImranKhanPTI) March 28, 2021

پاکستان سمیت دنیا بھر میں آج ہندو برادری اپنا مذہبی تہوار ’ہولی‘ بھرپور جوش و خروش سے منارہی ہے۔ملک میں جہاں ہندو برادری کے افراد رہائش پذیر ہیں وہاں ہولی کی خوشیاں منائی جارہی ہیں، تھر کا صحرا بھی ہولی کے رنگوں میں رنگ گیا ہے۔ہولی کو ’رنگوں کا تہوار‘ بھی کہا جاتا ہے، اس تہوار کے موقع پر ہندو برادری کے افراد ایک جگہ جمع ہوتےاور ایک دوسرے پر رنگ پھینکتے ہیں۔تحفے تحائف بھی پیش کئے جاتے ہیں جبکہ گھروں پر تقاریب کا اہتمام بھی کیا جاتا ہے۔