(امداد بُزدار) سندھ کے ضلع سکھر میں سوفٹ روڈ کے قریب مبینہ پولیس مقابلے کے دوران دو ڈاکو ہلاک ہو گئے۔
سینئر سپریڈنٹ آف پولیس سکھر کے مطابق پولیس نے جرائم پیشہ عناصر کی موجودگی کی اطلاع پر کارروائی کی تو ملزمان نے پولیس پر فائرنگ شروع کر دی جس کے نتیجے میں پولیس چوکی انچارج طاہر علی کھوسو زخمی ہوگئے۔
یہ بھی پڑھیے: شہر میں ڈاکووں کا راج،کراچی کے باسیوں نےخود ہی ہتھیار اٹھا لیے
ایس ایس پی نے مزید بتایا کہ پولیس کی جوابی فائرنگ کے نتیجے میں دو ڈاکو ہلاک ہو گئے، ڈاکوؤں کی لاشیں پوسٹ مارٹم کیلئے ہسپتال منتقل کر دی گئی ہیں۔
ہلاک ڈاکوؤں کی شناخت اور ریکارڈ کی معلومات حاصل کی جارہی ہیں۔