برطانیہ: چیلسی فٹبال کلب کا پہلی مرتبہ اسٹیڈیم میں افطار

(ویب ڈیسک) برطانیہ میں چیلسی فٹ بال کلب نے ’پہلی مرتبہ‘ اسٹیڈیم میں افطار کا اہتمام کیا۔

افطار کی یہ تقریب رمضان ٹینٹ پروجیکٹ اور چیلسی فاؤنڈیشن کے اشتراک سے منعقد ہوئی۔

برطانیہ میں پریمئیر لیگ کے کسی کلب کی جانب سے ایسی افطار کو تاریخی موقع قرار دیا جا رہا ہے۔

Proud to be the first to host an Open Iftar in a Premier League stadium ???? #NoToHate https://t.co/x3N6WzvEWc

— Chelsea Foundation (@CFCFoundation) March 26, 2023

چیلسی فٹ بال کلب ایسی افطار کرنے والا انگلش پریمیئر لیگ کا پہلا کلب ہے۔

رمضان المبارک کے دوران یہ ’اوپن افطار‘ سب سے بڑی اجتماعی تقریب ہے جو روزہ رکھنے والے مسلمانوں کو اکٹھے ہونے کا موقع دیتی ہے۔

یہ تقریب باہمی مکالمے کیلئے ایک محفوظ جگہ بھی فراہم کرتی ہے۔

Football & Ramadan bringing communities together! ???????? @ChelseaFC @RamadanTent @OpenIftar @CFCFoundation

First ever @OpenIftar at a @premierleague Club and first ever pitch-side communal #iftar held in the world! https://t.co/3DBurlm2TV

— Omar Salha (@o_salha) March 26, 2023

اس تقریب میں متعدد مقامی مساجد، چیلسی ایف سی کے عملے اور چیلسی کی مسلم کمیونٹی کے ارکان اور سکول کے طلبہ کو شرکت کیلئے مدعو کیا گیا۔

اس سال رمضان ٹینٹ پروجیکٹ اپنے 10 سال مکمل کر رہا ہے۔ یہ ادارہ برطانیہ میں سالانہ رمضان فیسٹیول کا اہتمام کرتا ہے۔

اس افطار کا مقصد چیلسی کلب اور فٹبال کے تمام شائقین کے درمیان مذہبی رواداری کو فروغ دینا ہے۔

Last night @CFCFoundation hosted an Open Iftar with Ramadan Tent Project at Stamford Bridge. ????

Wishing all our supporters everywhere a Happy Ramadan!

— Chelsea FC (@ChelseaFC) March 27, 2023

چیلسی فاؤنڈیشن کے سربراہ سائمن ٹیلر نے اس تقریب کے بارے میں کہا ’رمضان اور یہاں کی مسلم کمیونٹی کو تسلیم کرنا مذہبی رواداری کو فروغ دینے کیلئے ہمارے کام کا ایک اہم پہلو ہے۔‘

’ہمیں یہ میزبانی کرنے والے پہلے پریمیئر لیگ کلب ہونے پر بے حد فخر ہے۔‘