امریکی سرحد کے قریب پناہ گزین کیمپ میں آگ لگ گئی،درجنوں ہلاک

(ویب ڈیسک) میکسیکو میں امریکی سرحد کے قریب کیمپ میں آگ لگنے سے 37 افراد ہلاک اور 21 کے قریب زخمی ہوئے ہیں۔ 

تفصیلات کے مطابق میکسیکو میں امریکی سرحد کے قریب پناہ گزینوں کے کیمپ میں آگ لگنے سے 37 افراد ہلاک ہو گئے جبکہ 21 سے زائد افراد زخمی ہوئے ہیں۔ 

امریکی میڈیا کے مطابق آتشزدگی کا یہ حادثہ امریکی سرحد کے قریب میکسیکو کے شہر  'Ciudad Juarez' میں پیش آیا جس میں 37 افراد کی ہلاکت اور 21 افراد کے زخمی ہونے کی اطلاعات موصول ہوئیں۔ زخمیوں کو طبی امداد کیلئے ہسپتال منتقل کر دیا گیا ہے۔

مزید پڑھیں: 2030 تک عالمی معیشت کی حد رفتار گزشتہ 3 دہائیوں کی کم ترین سطح پر آ جائے گی، ورلڈ بینک نے خبردار کر دیا

 اس حادثے کے پیش نظر میکسیکو حکام کا کہنا ہے کہ واقع سے متعلق تحقیقات جاری ہیں اور حکام کی جانب سے ابھی تک آگ لگنے کی وجہ نہیں بتائی گئی۔ 

دوسری جانب مقامی میڈیا کا کہنا ہے کہ کیمپ میں آگ لگنے سے متاثر ہونے والے افراد میں سے اکثریت کا تعلق وینزویلا سے ہے جو کہ امریکا میں داخلے کے خواہش مند تھے۔