شاہ رخ خان رات کو صرف 3 گھنٹےکیوں سوتے ہیں؟
Stay tuned with 24 News HD Android App
(ویب ڈیسک)بالی ووڈکے کنگ شاہ رخ خان اپنے انٹرویوز میں اعتراف کرچکے ہیں کہ وہ رات میں صرف 2 سے 3 گھنٹے کی نیند لیتے ہیں۔
بھارتی میڈیا کے سوشل میڈیا پیج پر شاہ رخ خان کے ماضی میں دیئے گئے ایک انٹرویو کی ویڈیو شیئر کی گئی ہے جس میں انہیں دیگر دلچسپ موضوعات سمیت اپنی رات کی نیند اور اکیلے پن پر بات کرتے ہوئے بھی دیکھا گیا۔
شاہ رخ خان بالی ووڈ کے سینئر اداکار انوپم کھیر کے شو میں بطور مہمان شریک ہوئے تھے جس کی ویڈیو ایک بار پھر سوشل میڈیا پر وائرل ہوگئی ہے۔
دوران شوایک سوال کے جواب میں شاہ رخ خان نے انکشاف کیا تھا کہ مجھے رات بھر میں بہت کم نیند آتی ہے اسی لیے مجھے رات میں بہت اکیلا پن محسوس ہوتا ہے۔
انٹرویو میں شاہ رخ کا کہنا تھا کہ میں رات میں صرف 2سے 3 گھنٹے کی نیند لیتا ہوں، شاید یہی وجہ ہے کہ میں رات اکیلا پن محسوس کرتا ہوں۔
بالی ووڈکے کنگ کاکہناتھاکہ میرا یقین ہے تخلیقی لوگ رات میں دیر تک جاگتے ہیں، رات کے سناٹے میں دل ودماغ ان چیزوں پر سوچ بچار کرتے ہیں جو ہم دن کے اجالے میں اکثر نہیں کرپاتے۔
یہ بھی پڑھیں:میلبورن کنسرٹ تنازع پر نیہا ککڑ نے خاموشی توڑ دی
شاہ رخ نے مزید کہا تھا کہ میں بھی رات کو اکیلا بیٹھ کر کچھ پڑھ لیتا ہوں یا پھر لکھ لیتا ہوں اور جب کچھ نہ ہو ٹی وی دیکھ لیتا ہوں لیکن یہ تسلیم کرتا ہوں کہ رات کا سناٹا اکیلا پن محسوس کرواتا ہے۔