مہنگائی بڑھنے کی شرح منفی 1.26 فیصد کی سطح پر آ گئی

(وقاص عظیم)سالانہ بنیادوں پر مہنگائی بڑھنے کی شرح منفی 1.26 فیصد کی سطح پر آ گئی۔

ادارہ شماریات نے ہفتہ وار بنیادوں پر مہنگائی کے اعدادوشمار جاری کر دئیے، گزشتہ ہفتے 10 اشیاء سستی 10 کی قیمتوں میں اضافہ ہوا۔

ادارہ شماریات کے مطابق ایک ہفتے کے دوران 31 اشیاء کی قیمتیں مستحکم رہیں، پیاز کی فی کلو قیمت میں 4.38 فیصد کی کمی ہوئی، انڈے فی درجن 3.87 فیصد اور کیلے 4.27 فیصد سستے ہوئے۔

لہسن فی کلو 2.23 فیصد اور مرغی 1.29 فیصد سستی ہوئی، ایک ہفتے میں چینی کی فی کلو میں بھی 0.94 فیصد کی کمی ہوئی۔

ادارہ شماریات کے مطابق ایک ہفتے کے دوران ٹماٹر کی فی کلو قیمت میں 9.62 فیصد کا اضافہ ہوا، گزشتہ ہفتے دال ماش 0.56 فیصد اور دال مسور 0.20 فیصد مہنگی ہوئی۔

یہ بھی پڑھیں :لاہور میں مرغی، سبزی ،فروٹ کے سرکاری نرخ جاری