پی ایس ایل 10 کی ٹکٹوں کی فروخت 3 اپریل سے شروع ہوگی
Stay tuned with 24 News HD Android App
(وسیم احمد)پاکستان کرکٹ بورڈ پی ایس ایل 10 کی ٹکٹوں کی فروخت 3 اپریل سے شروع کرے گا، ٹکٹ جمعرات کو سہ پہر 3 بجے PCB.tcs.com.pk پر آن لائن دستیاب ہوں گے۔
فزیکل ٹکٹ 7 اپریل سے ملک بھر کے ٹی سی ایس ایکسپریس سینٹرز پر ملیں گے۔آن لائن بک کی گئی ٹکٹیں ٹی سی ایس کے مقرر کردہ پک اپ مراکز سے بھی حاصل کی جا سکتی ہیں یا ٹی سی ایس کے ذریعے گھر پر پہنچائی جا سکتی ہیں۔
ایچ بی ایل پی ایس ایل چار شہروں کراچی، لاہور، ملتان اور راولپنڈی میں کھیلی جائے گی جس کا فائنل 18 مئی کو قذافی اسٹیڈیم لاہور میں ہوگا، پی ایس ایل کے چاروں وینیوز کے عام ٹکٹ 650 روپے میں دستیاب ہوں گے۔
اسلام آباد یونائیٹڈ اور لاہور قلندرز کے درمیان راولپنڈی کرکٹ سٹیڈیم میں افتتاحی میچ کے ٹکٹ 1000 روپے سے 8500 روپے تک دستیاب ہوں گے۔
شائقین کی مصروفیت اور دلچسپی میں اضافہ کرنے کے پی سی بی کے وژن کے ایک حصے کے طور پر، ہر میچ کے دوران ایک ٹکٹ ریفل کا انعقاد بھی کیا جائے گا جس میں شائقین دلچسپ انعامات حاصل کر سکیں گے ۔
مزید پڑھیں :پی ایس ایل 10:کراچی کنگز کے کوچنگ سٹاف میں تبدیلیاں