74لاکھ کی آدھا کلو مٹھائی۔۔ ۔
Stay tuned with 24 News HD Android App
(24 نیوز)74لاکھ کی آدھا کلو مٹھائی،مغلپورہ کے رہائشی کے گھر میں ڈاکو بیٹے کی پیدائش پر مٹھائی کا ڈبہ لے کر آئے اور گھر سے 74 لاکھ روپے سے زائد مالیت کے زیورات اور نقدی لوٹ کر فرار ہو گئے۔
تفصیلات کے مطابق مغلپورہ کے رہائشی کو بیٹے کی پیدائش پر مٹھائی مہنگی پڑ گئی، پولیس کے مطابق حاجی اکمل کے گھر میں ڈاکو مٹھائی دینے کے بہانے داخل ہوئے ،گھر میں داخل ہوتے ہی مٹھائی کے ڈبے سے پستول نکال کر تان لیا اور اہل خانہ کو یرغمال بنا کر لوٹ مار شروع کر دی، پولیس کے مطابق ڈاکو گھر سے 57 تولے سونا اور دس لاکھ نقدی لوٹ کر فرار ہوئے۔
پولیس نے موقع پر پہنچ کر کارروائی کا آغاز کر دیا ،موقع پر لگے سی سی ٹی وی کیمروں کی مدد بھی حاصل کر لی گئی ہے۔
یہ بھی پڑھیں:جیا علی شادی کے بعد سو شل میڈیا پر تنقید کی زد میں آگئیں