ریجاس ڈویلپمنٹ نے ایکوا فینا پولو کپ جیت لیا
Stay tuned with 24 News HD Android App
(24 نیوز)ریجاس ڈویلپمنٹ نے بائیو کاس کو شکست دے کر ایکوا فینا پولو کپ جیت لیا۔ریجاس ڈیویلپمنٹ کی ٹیم نے ڈیڑھ کے مقابلے میں سات گول سے کامیابی حاصل کی۔
تفصیلات کے مطابق جناح پولو ایند کنٹری کلب میں ہونےوالے فائنل میں یکطرفہ مقابلہ دیکھنے میں آیا۔ریجاس ڈیویلپمنٹ کی ٹیم نے بائیوکاس کو شکست دیکر ایکوافینا پولو کپ میں کامیابی حاصل کرلی ۔ ریجاس ڈویلپمنٹ کی طرف سے محمد رضا بہبودی نے شاندار کھیل پیش کیا اورچار خوبصورت گول سکور کیے۔ شاہ نواز ایاز درانی نے دو،سردار محسن عطا کھوسہ نے ایک گول سکور کیا۔ بائیو کاس کی طرف سے حمزہ اعجاز نے واحد گول سکور کیا جبکہ آدھا گول انہیں ہینڈی کیپ ایڈوانٹیج حاصل تھا۔ سابق گورنر پنجاب لیفٹیننٹ جنرل (ر) خالد مقبول فائنل میچ کے مہمان خصوصی تھے۔ تماشائیوں کی بڑی تعداد نے ایس اوپیز کے تحت فائنل میچ دیکھا۔