حسن ابدال، مکان کی چھت گرنے ماں دو بچوں سمیت جاں بحق

(24 نیوز)حسن ابدال کے علاقہ کوٹ دادو میں مکان کی چھت گرنے سے ماں اور 2 بچے جاں بحق ہوگئے ہیں، لاشوں کو ملبے سے نکالنے کےلئے امدادی کارروائیاں جاری ہیں۔
جاں بحق ہونے والوں میں 22 سالہ صبا بی بی اس کی 2 سالہ بیٹی اقرا بی بی اور 6 ماہ کا بیٹا شامل ہے۔واقعہ کی اطلاع ملتے ہی ریسکیو ٹیمیں جائے وقوع پر پہنچ گئیں ، لاشوں کو ملبے سے نکالنے کےلئے امدادی کارروائیاں جاری ہیں،ریسکیو حکام کاکہنا ہے کہ چھت گرنے کی وجہ معلوم نہ ہو سکی۔